ZOO: Nōmen: ASINUS (asinī, m.)

Nomina alia: asellus

(fons)

WWW: Vicipaedia

Proverbia

• Ab asinis ad boves transcendere.
• Ab asinis ad equos.
• Ab asino delapsus.
• Ab asino lanam quaeris.
• A bove ante, ab asino retro, a muliere undique caveto.
• Ad usum asinorum.
• Altera mens asini, mens altera qui regit illum.
• Asinus asellum culpat. 
• Asini auriculas habet.
• Asini lanam quaeris.
• Asinis pabulum auro iucundius.
• Asino fabulam narrabat quispiam, et ille movebat aures.
• Asino gramen et baculus.
• Asino faenum et baculus, servo panis et scutica.
•  Asino non opus est verbis, sed fustibus.
• Asinos non curo.
• Asino pigrior.
• Asinum asellus culpat.
• Asinum esurientem haud flagra movent.
• Asinum sub freno currere doces.
• Asinum tondes.
• Asinus ad lapidem non bis offendit eumdem.
• Asinus ad lyram.
• Asinus ad tegulas.
• Asinus asino, et sus sui pulcher.
• Asinus asinum fricat.
• Asinus asinum non prehendit.
• Asinus aurem movens.
• Asinus es ad lyram, aures motitans.
• Asinus esuriens fustem neglegit.
• Asinus gestat mysteria.
• Asinus in cathedra.
• Asinus in pelle leonis.
• Asinus in tegulis.
• Asinus inter simias.
• Asinus lyrae auscultator.
• Asinus lyrae cantum audit, non intellegit.
• Asinus portans mysteria.
• Asinus stramen mavult quam aurum.
• Asinus volans.
• Assequitur quidvis asinus, si splendeat auro.
• Auriculas asini quis non habet?
• Aut rex, aut asinus.
• Balneatoris asinus.
• Bovem asino non iunges.
• Bovem si nequeas, asinum agas.
• Camelus vel scabiosa complurium asinorum gestat onera.
• Cani das paleas, asino ossa.
• Caput asini ne laves nitro.
• Cibaria et virga, et onus asino: panis et disciplina, et opus servo.
• Cognovit bos possessorem suum, et asinus praesaepe domini sui.
• Communis multis asinus fit praeda luporum.
• Cum asinus in tegulis ascenderit.
• Curato currum, asini nihil ad nos.
• De asini prospectu incusatio est.
• De asini umbra disceptare.
• Ecce nunc patiemur philosophantem nobis asinum?
• Emersit ex asinis equus tardigradis.
• E tardigradis asinis equus prodiit.
• E tardo asino equus prodiit.
• Ex auribus cognoscitur asinus.
• Ex auricula asinum.
• Flagellum equo et camus asino, et virga in dorso imprudentum.
• Illiteratus rex est asinus coronatus.
• In asini aures canis.
• In ius vocabitur etsi canem asinus momorderit.
• In quo nascetur, asinus corio morietur.
• Iucundius est asinis pabulum quam aurum.
• Leonis exuvium super asinum.
• Lis de umbra asini.
• Litem movebit, si vel asinus canem momorderit.
• Lutetiam si quis asinum mittat, equum non redire.
• Muli asinis quantum praestant!
• Multi sunt asini bipedes.
• Nitro caput asini ne laves.
• Non arabis in bove simul et asino.
• Parisios bipedum si quis transmittat asellum, si fuit hic asinus, non ibi fiet equus.
• Plus potest negare asinus quam probare philosophus. 
• Plus rogabit asinus, quam respondeat
• Poenas dabit, si vel asinus mordet canem.
• Pons asinorum.
• Purus grammaticus, purus asinus.
• Purus mathematicus, purus asinus.
• Qui asinum non potest, stratum caedit.
• Qui caret asino, clitellam ne quaerat.
• Qui fuit hic asinus, non fiet in urbe caballus.
• Qui lavat asinum, perdit aquam et saponem.
• Scabiosa camelus multorum asinorum onera in se recipit.
• Sepultura asini sepelietur.
• Sex diebus operaberis, septimo die cessabis, ut requiescat bos et asinus  tuus.
• Si ascenderit asinus per scalas.
• Si bovem non possis, asinum agas.
• Si bovem non potes, asinum age.
• Si nequeas bovem, asinum agito.
• Si non potes bovem, asinum agito.
• Sunt asini multi solum bino pede fulti.
• Surdis frustra canitur; nec asinus cithara gaudet.
• Utere curru, de asinis nihil laborans.
• Vox asini quid ad philomelam?
• Asello fabulam narrare.
• Clitellam plectis, at fuerat plectendus asellus.
• Discernit sapiens res quam confundit asellus.
• Fert aliud Leucon, aliud Leuconis asellus.
• Ignarus rediit Romam deductus asellus.
• Nullius est, nec erit, sollertia tanta magistri quae queat efficere ut fiat asellus equus.
• O miserum bellum, dum tundit asellus asellum!
• Quisque pari gaudet se iungere asellus asello.
• Surdo asello narrata est fabella.